Init ng Huskers, hindi naapula ng Tubo Slashers

Anim na sunod na panalo na ang naitatala ng Quezon Huskers matapos manaig sa Bacolod Tubo Slashers sa 7^th season ng Maharlika Pilipinas Basketball League (MPBL).

Hothand pa rin si former Most Valuable Player Gab Banal na kumamada ng apat na three-pointers na itinanghal na best player of the game sa kanilang back-to-back win.

May kabuuang 12-tres ang Huskers na naging bentahe nila kontra sa Tubo Slashers na nakapagpasok lamang ng tatlong tira sa long range.

One sided ang laban mula sa first quarter, 29-17, 43-31, 66-49, 85-74.

Nagrehistro si Banal ng 13 puntos habang double scoring digit din ang ambag nina Huskers all-star LJay Gonzales at rising star Vince Magbuhos na may tig-12 puntos.

Top seed pa rin ang koponan sa south division na may record ng 16-3 habang bagsak naman sa 2-17 ang Bacolod.

Muling sasabak sa aksyon ang division champion sa July 24 kontra sa Muntinlupa Cagers Lakan.