2 arestado sa ilegal na droga sa Lucena City
Arestado sa pinagsamang pwersa ng mga operatiba ng Drug Enforcement ng Lucena PNP, Quezon PDDEU, PDEA, Quezon Maritime PNP, RIU at CIDG ang dalawang lalaki sa Purok Maligaya Barangay Ibabang Dupay sa Lucena City matapos silang mahulihan ng ilegal na droga.
Kinilala ang mga suspek na sina Jeffrey Balanial 30-anyos kabilang sa Police Provincial Office Drug Personality at ang 22 anyos na binata na si Kurt Joshua Villanueva na isang Newly Identified Drug Personality kapwa residente ng nasabing barangay.
Ang dalawa ay nakuhaan ng mga awtoridad ng 5 sachet ng hinihinalang shabu na higit sa isang gramo ang timbang na nagkakahalag ng P21, 420. 00 ang street value.
Batay sa report ng Lucena PNP, pasado ala 1:00 ng madalig araw kanina Dec. 29 ng madakip ang dalawa sa ginawang buybust operation sa Simultaneous Anti Criminality Law Enforcement Operations (SACLEO).
Positibo umanong nabilhan ang mga suspek ng ilegal na droga ng isang police na nagpanggap na parokyano.
Kasalukang nakaditine ang mga nahuli sa custodial facility ng Lucena City Police Station at nahaharap sa kasong paglabag sa Comprehensive dangerous drugs Act of 2002.
