79 anyos na lalaki, arestado sa Mulanay, Quezon dahil sa panggagahasa
Arestado ng Mulanay Police ang Rank No. 1 most wanted person sa Brgy Sto. Niño ng nasabing bayan.
Kinilala itong si Reynaldo Marciano, 79-anyos, naninirahan sa Brgy. Sto. Niño ng nasabing bayan.
Naaresto ang akusado sa bisa ng warrant of arrest na pirmado ni Acting Presiding Judge Michael Vitto ng RTC Branch 96 Catanauan, Quezon na may petsang August 29, 2022.
Statutory Rape ang kaso ni Marciano na walang piyansa at kasalukuyang nakapiit sa custodial facility ng Mulanay Municipal Police Station.
Ang pagkakaaresto sa suspek ay tanda daw ng epektibong pagganap ng mga miyembro ng Pulisya ng kanilang mga tungkulin upang mabigyan ang mga mamamayan ng mas ligtas at mas payapang komunidad ang pahayag ng Mulanay MPS.
