Bagong Lactation Room sa SDO Lucena para sa mga Breastfeeding Mother, Nagbukas na
Bukas na ang bagong lactation room sa Schools Division Office o SDO Lucena para sa mga breastfeeding mother.
Ayon sa Division GAD Focal person, Dr. Karina Bautista na ngayong pandemic ay kinakailangan ng breastfeeding area lalo na ang mga personnel sa Division Office na lactating mother.
“Maraming salamat po at buong sinuportahan ng ating SDS Jimmy. Kasi po dito sa Division po ay need lalo na po nitong nag-pandemic kailangan po ng breastfeeding area lalo na po sa ating mga Division personnel,” pahayag ni Dr. Bautista.
Aniya, ito ang una nilang tinugunan dahil ito ang unang pangangailangan at ito ay hindi lamang isang batas kundi pangangailangan lalo na ngayong pandemic.
“’Yun po ang una po nating tinugunan dahil ‘yun po ang unang pangangailangan dahil need po ito hindi lamang po ito isang batas kundi pangangailangan po ng Division po naming lalo na ngayong pandemic,” ayon kay Dr. Bautista.
Dagdag pa ni Dr. Bautista na ang kuwarto ay may kasamang lababo, refrigerator, komportableng mesa, upuan, at mga alituntunin para sa mga nanay na nagpapasuso sa unang pagkakataon. Nag-iwan naman ng mensahe ang Gender and Development Focal person sa mga kababaihan na huwag maliitin ang sarili bagkus ay mahalin at ipagmalaki.
