DOH Hospital Chiefs, lumagda sa Joint Partnership para sa Health Referral sa Quezon Province
Lumagda sa isang Memorandum of Agreement ang Department of Health (DOH) sa pamumuno ng Officer-in-Charge Dr. Maria Rosario Vergeire, Pamahalaang Panlalawigan ng Quezon sa pamumuno ni Governor Helen Tan at ilang sa mga Department of Health (DOH) hospital sa National Capital Region (NCR) at ilang karatig probinsya.
Ito ay upang bigyang daan ang pagtatatag ng isang Health Care Provider Network (HCPN) kung saan magsisilbing referral hospital ng mga pasyente na magmumula sa Lalawigan ng Quezon.
Kabilang sa mga partnered DOH hospital ang: Amang Rodriguez Memorial Medical Center, Batangas Medical Center, Dr. Jose Fabella Memorial Hospital, East Avenue Medical Center, Jose R. Reyes Memorial Medical Center, Lung Center of the Philippines at National Children’s Hospital.
Kasama din ang National Kidney and Transplant Institute, Philippine Children Medical Center, Philippine Heart Center, Philippine Orthopedic Center, Quirino Memorial, Medical Center, Rizal Medical Center, San Lazaro Hospital, Tondo Medical Center at Quezon Medical Center.
Sa pahayag ni DOH-OIC Maria Rosario Vergeire sinabi nito na ang isinagawang kasunduan ay isang hakbang tungo sa mas malawak na pagsasakatuparan ng Universal Health Care Act.
Lubos naman ang tuwa ng Gobernadora sa ipinakitang pagtitiwala ng mga nasabing pagamutan dahil malaking ginhawa umano ito hindi lang sa pamahalaan gayundin sa mga lokal na ospital sa probinsya.
