News

Quezon, kinilala sa 2022 Panata Ko sa Bayan Awards ng DSWD

Kabilang ang Pamahalaang Panlalawigan ng Quezon sa mga nakatanggap ng pagkilala sa 2022 Panata Ko sa Bayan Awards ng Department of Social Welfare and Development (DSWD) na isinagawa nitong Pebrero 8 sa Tagaytay International Convention Center.

Tinanggap nina Provincial Administrator Manuel Butardo at Provincial Social Welfare and Development Office (PSWDO) Head Sonia Leyson ang tatlong special awards ng lalawigan para sa mahusay na implementasyon ng Social Welfare and Development Laws kabilang ang Most Comprehensive Report, Good Practice, at Most Responsive PSWDO Award.

Nakatanggap din ng parangal ang bayan ng Sampaloc bilang Model LGU para sa implementasyon ng Social Pension para sa Indigent Senior Citizens gayundin bayan ng Gumaca at Lungsod ng Tayabas para naman sa kanilang Supplemental Feeding Program.

Iginawad din ng DSWD Central Office ang plake ng pagkilala sa Quezon PSWDO ang Good Practice Award dahil sa maayos nitong pagbabalangkas ng LGU Compliance Monitoring Report sa nagdaang Implementation of Social Welfare and Development (SWD) Laws Online Monitoring System for the 2nd Semester C.Y. 2021.

Pin It on Pinterest