2 patay sa karambola ng 4 na truck sa Atimonan, Quezon

Nagkalat sa highway ang mga sigarilyo at softdrinks sa Diversion Road, Sta. Catalina, Atimonan, Quezon nang magkarambola ang 4 na truck sa naturang highway mag-aalas-otso kagabi December 12, 2022.

Dalawa ang kumpirmadong nasawi sa aksidente na naisugod pa sa pagamutan pero idineklarang dead on arrival bunsog ng grabeng pinsalang tinamo sa ulo at ilan pang bahagi ng katawan.

Sa tindi ng pinsala, tinatayang umabot ng apat na oras at naging pahirapan ang rescue at retrieval operation sa pinangyarihan ng insidente at bago mailabas ang mga bikitma sa nagsalpukang mga sasakyan.

Ayon sa ulat ng mga awtoridad, patungong Maynila ang tatlong trak habang ang isa naman ay patungong Bicol nang bigla umanong nawalan ng preno ang isa sa mga ito.

Ang naturang hiway ay itinuturing na accident-prone area.