3 katao, arestado sa drug buy-bust operation sa Lucena City
Arestado ang tatlong katao matapos mahuli sa drug buy-bust operation sa Purok Talabis, Barangay Ibabang Iyam, Lucena City
Kinilala ang mga suspek na sina, Maricris Sagala Deocales, 30-anyos, Neil Jansen Velez Igloria, 27-anyos, Rodrigo Velez Brondo, 30-anyos na pawang mga residente ng naturang lugar.
Ayon sa report, nagkasa ang mga otoridad ang isang operasyon laban sa iligal na droga sa pamamagitan ng buy-bust katuwang ang ilang yunit ng PNP, PDEA at CIDG sa nabanggit na lugar.
Kumagat sa pain ang mga suspek matapos nitong pagbentahan ang isang poseur buyer ng suspected shabu na naging dahilan ng kanilang pagkakaaresto.
Nakumpiska sa mga suspek ang 18 pakete na naglalaman ng 65.6 na gramo ng hinihinalang shabu na tinatayang nagkakahalaga ng Php 1,338,240.
Sa ngayon, ang mga suspek ay nasa kustodiya na ng Lucena City Police Station at nahaharap sa kasong paglabag sa Republic Act 9165 o Comprehensive Dangerous Drugs Act of 2022.
