3 patay, 8 sugatan sa aksidente sa Tiaong

Patay ang tatlong pasahero ng van kabilang ang siyam na taong gulang na batang lalaki habang sugatan ang walo pa sa aksidente sa Maharlika Highway, Tiaong, Quezon, Linggo ng madaling araw.

Batay sa ulat, sumalpok umano ang van na minamaneho ni ‘Emgee’ sa bus nang mag-overtake ito sa isang SUV.

Nawasak ang dalawang sasakyan sa lakas ng impact na nagresulta sa pagkasawi ng mga pasaherong kinilala na mga residente ng Masbate City.

Patuloy naman ang isinasagawang imbestigasyon ng mga awtoridad sa insidente.