Higit P24K halaga ng shabu, nasabat sa Lucena City
Arestado ang isang lalaki na kabilang sa listahan ng Street Level Individual on Illegal Drugs sa isinagawang buy-bust operation ng pinagsanib-pwersa ng mga operatiba ng City Drug Enforcement Unit, PDEA 4A Quezon, PIU, Quezon Provincial Drug Enforcement Unit, Quezon Marpsta, RIU Quezon at CIDG Quezon sa Purok Damayan 1, Barangay Ibabang Iyam, Lucena City.
Ang suspek, isang 42-anyos na indibidwal mula sa nasabing barangay.
Sa report ng pulisya, inaresto ang suspek makaraan nitong pagbentahan ang pulis na nagpanggap na buyer ng pinaghihinalaang “shabu” gamit ang P500 na buy-bust money.
Nakumpiska mula sa suspek ang anim (6) na piraso ng heat-sealed transparent plastic sachet ng hinihinalang shabu na tumitimbang ng 1.2 na gramo at may street value na Php24,480.
Kasalukuyan na itong nasa Lucena City Police Station habang inihahanda ang kasong isasampa sa kanya na paglabag sa Republic Act No. 9165 o ang Comprehensive Dangerous Drugs Act of 2002.
