8 Katao, huli sa aktong paglalaro ng BINGO sa Guinayangan, Quezon

Arestado ang walong (8) katao matapos mahuli sa aktong pagsusugal nitong Miyerkules ng hapon, January 4 sa Brgy. Salakan, Guinayangan, Quezon.

Kinilala ng Guinayangan PNP ang mga naaresto na sina Rowena Desuasido Rito, 42 -anyos; John Lloyd Delos Angeles, 18-anyos; Nicole Anthony Desuasido Bungacad, 23-anyos; Maria Jessa Desuasido Barcia, 23-anyos; Rachelle Selverio Rondera, 28-anyos; Araceli Sabaulan Desuasido, 76-anyos; Jonathan Desuasido Barcia, 25 -anyos at Sebellia Labaco Desuasido, 71-anyos na kapwa mga residente sa nabanggit na lugar.

Nahuli sa aktong naglalaro ng BINGO ang nasabing bilang ng mga suspek na nagresulta ng pagkadakip sa kanila habang kinumpiska ang mga gamit sa sugal gayundin ang pera na nasa P756.00 bilang ebidensya.

Magugunitang isa sa mahigpit na kampanya ng Quezon Police Provincial Office o QPPO ang labanan ang illegal gambling o sugal.

Nakatakdang sampahan ng kaso ang mga suspek na nasa kustodiya ng mga otoridad.